सुनसरीमा सवारी दुर्घटना हुँदा ३ जनाको मृत्यु, २ जना घाइते

काठमाडौं,सुनसरी - सुनसरीमा सवारी दुर्घटना हुँदा ३ जनाको मृत्यु भएको छ भने २ जना घाइते भएका छन् । कोशी गाउँपालिका– ८ नङ्खु टोलस्थित पुर्व–पश्चिम राजमार्गमा हायसले पिकअप र मोटरसाईकल ठक्कर दिँदा ३ जनाको मृत्यु र २ जना घाइते भएका हुन् ।

आइतबार बिहान पौने ८ बजे पुर्वबाट पश्चिम तर्फ जाँदै गरेको बा ३ ख ७२२४ नम्बरको हायस गाडीले बिपरित दिशाबाट आउँदै गरेको स ६ प ४६६१ नम्बरको मोटरसाईकल र को १ च ९३६८ नम्बरको पिकअप गाडीलाई ठक्कर दिएको थियो । दुर्घटनाबाट गम्भीर  घाइते भएका मोटरसाईकल चालक सप्तरी डाक्नेश्वरी– ५ का २८ वर्षीय उदय शाह, मोटरसाईकल पछाडि सवार मोरङ विराटनगर– ९ का ४५ वर्षीय राम प्रसाद शाह र पिकअप चालक विराटनगर– ७ का ४० वर्षीय अक्षय कुमार गुप्ताको जिल्ला अस्पताल ईनरुवा उपचारको क्रममा मृत्यु भएको हो ।

उक्त दुर्घटनाबाट घाईते भएका हायस चालक नुवाकोट बिदुर नगरपालिका– १३ का ३५ वर्षीय विवस तामाङ र हायसको सहचालक सोही स्थान ११ का २५ बर्षीय नारायण बत्सयालको बिराट नर्सिङहोममा उपचार भईरहेको छ । 

दुर्घटना भएका ३ वटै सवारी साधन प्रहरीको नियन्त्रणमा रहेको छ ।