थप ६ जनामा कोरोनाको संक्रमण, संक्रमितको संख्या ६८२ पुग्यो

काठमाडौं  - सोमबार थप ६ जनामा कोरोना भाइरसको संक्रमण देखिएको छ । 

स्वास्थ्य मन्त्रालयले दिएको जानकारीअनुसार संक्रमित व्यक्तिहरू अछाम मेललेख गाउँपालिकाका ३२ वर्षीय पुरूष, बर्दिया गुलरिया–१० का २२ र २४ वर्षीय पुरूष, २ का १८ वर्षीय पुरूष, पर्सा जिराभवानी गाउँपालिकाका-४ का १८ वर्षीय पुरूष, काठमाडौँ १५ घर भएका कलैयामा कार्यरत २८ वर्षीय पुरूष रहेका छन् ।

योसँगै संक्रमितको संख्या ६ सय ८२  पुगेको छ । यसअघि सोमबार बिहानै काठमाडौंका तीनसहित ७२ जना कोरोना संक्रमित थपिएका थिए ।

मन्त्रालयले दिएको जानकारी अनुसार हालसम्म पीसीआर विधिबाट ५१ हजार ६४२ र आरडीटी विधिबाट ९५ हजार १९२ नमूना परीक्षण भएका छन्। गत २४ घन्टामा पीसीआर २हजार ९०४ र आरडीटी ५हजार १६६ नयाँ नमूना परीक्षण भएका हुन्।