जडिबुटी खोज्न जाँदा बेपत्ता भएकाको उद्दारका लागि हेलिकोप्टर पठाइँदै

जुम्ला- जडिबुटी खोज्न जाँदा बेपत्ता भएका जुम्लाको तिला गाउँपालिका–९ जुम्ला ढिपुगाउँका १२ जनाको खोजी गर्न गृह मन्त्रालयले हेलिकोप्टर पठाउने तयारी गरेको छ ।

उनीहरुको खोजी र उद्दार गर्न सुर्खेतबाट नेपाली सेनाको हेलिकोप्टर परिचालन गर्न लागिएको निमित्त प्रमुख जिल्ला अधिकारी देबेन्द्र श्रेष्ठले जानकारी दिए । तर हुस्सुको कारण हेलिकोप्टरले उडान भर्न भने सकेको छैन ।

उद्धारका लागि बिहान ८ बजे नै हेलिकप्टर पठाउन खोजिएपनि मौसममा आएको खराबीका कारण समस्या भइरहेको छ ।