काठमाडौ - महोत्तरीको औरही नगरपालिकाको श्रीपुरमा बिहीबार राति करेन्ट लागेर एक दूधे बालिकाको मत्यु भएको छ।

जिल्ला प्रहरी कार्यालय महोत्तरीका प्रहरी उपरीक्षक श्यामकृष्ण अधिकारीका अनुसार स्थानीय नरेश महतोकी तीन वर्षीया छोरी सीमाकुमारी महतोको करेन्ट लागेर मत्यु भएको हो।

बालिका आफ्नै घरमा खेलिरहेका बेला घरमा लगाइएको बिजुलीको बोर्डबाट भुँईतिर झुण्डिरहेको नाङ्गो तार छुँदा करेन्ट लागेर ज्यान गएको हो ।

मृतक बालिकाको शव परीक्षणका लागि जिल्ला अस्पताल जलेश्वरमा ल्याइएको छ।