झोलुंगे पुलमा अड्किएका खच्चडलाई नदीमा खसालेर उद्धार गरिँदै
खबर एक्सप्रेस
२०८१-०२-२७ ०१:२४ मा प्रकाशित
Total Shares: 33
काठमाडौं,दैलेख-कर्णाली नदीमाथिको झोलुंगे पुलमा आइतबार बिहान फसेका खच्चडहरूको उद्धार कार्य थालिएको छ ।
अछाम र दैलेखबाट खटिएका सुरक्षाकर्मीको टोली र स्थानीय बासिन्दाको सहयोगमा खच्चडहरूको उद्धार गर्न लागिएको हो ।
पुलबाटै उद्धार सम्भव नभएकाले तार काटेर फसेका खच्चडलाई नदीमा खसाल्न थालिएको छ ।
अछामबाट चामल बोकेर दैलेखको आठबीस नगरपालिकाको राकम बजार आउँदै गरेका १३ वटा खच्चर पुलमा फसेका थिए।
अछामको पञ्चदेवल नगरपालिका र दैलेखको आठबीसलाई जोड्ने कर्णाली नदीमाथिको उक्त पुलको एकछेउका लठ्ठा चुडिँदा खच्चर अड्किन पुगेका थिए।
लठ्ठा चुडिँएको भागको पुल झुकेपछि १३ खच्चर जालीमा छिरेका थिए।
फेसबुक पेज Like गर्नुहोस