फेरि घट्यो सुनको मूल्य

काठमाडौं - सोमबार नेपाली बजारमा सुनको मूल्य घटेको छ ।

सुनचाँदी व्यवसायी महासंघका अनुसार सोमबार सुन प्रतितोलामा दुई सय रुपैयाँले घटेर ९८ हजार २ सय रुपैयाँमा कारोबार भैरहेको छ । सुन आइतबार पनि दुई सय रुपैयाँले घटेर ९८ हजार ४ सय रुपैयाँमा कारोबार भएको थियो ।

आज चाँदीको मूल्य पनि घटेको छ । सोमबार चाँदी प्रतितोलामा १० रुपैयाँले घटेर एक हजार ३ सय १५ रुपैयाँमा कारोबार भैरहेको छ ।

अन्तराष्ट्रिय बजारमा सुनचाँदीको मूल्यमा आएको परिवर्तनका कारण नेपालमा पनि त्यसको असर परेको महासंघले जनाएको छ ।