काठमाडौं - नेपाल आयल निगमले पेट्रोलियम पदार्थको मूल्य बढाएको छ।

निगमले पेट्रोल, डिजल र मट्टितेलकाे मूल्य प्रतिलिटर १/१ रुपैयाँले बढाएको हो। निगमले सार्वजनिक गरेकाे नयाँ मूल्य सूची अनुसार अब पेट्रोल प्रतिलिटर १ सय २ रुपैयाँ तथा डिजल र मट्टितेल प्रतिलिटर ८८। ८८ रुपैयाँ पर्नेछ।

निगमका प्रवक्ता विनित मणी उपाध्ययायले जारी गरेको विज्ञप्ति अनुसार खाना पकाउने एलपी ग्यास र हवाई इन्धनको मूल्य भने यथावत राखिएको छ।