दोलखाबाट काठमाडौं आउँदै गरेको बस सुनकोसी नदीमा खस्यो, कम्तिमा ६ यात्रुको मृत्यू

 काठमाडौं - सिन्धुपाल्चोकको चौतारा साँगाचोकगढी नगरपालिका-९ सुनकोशी नदीमा यात्रुवाहक बस खस्दा कम्तिमा ६ यात्रुको मृत्यू भएको छ । दोलखाको मागा देउरालीबाट काठमाडौं आउँदै गरेको बा२ख नं. ७२४५ को बस सुनकोशी नदीमा खसेको हो ।

डिएसपी माधव काफ्लेका अनुसार दुर्घटनामा ठूलो मानवीय क्षतिको अनुमान गरिएको छ । उद्धारमा खटिएका प्रहरी र स्थानीयले अहिलेसम्म घटनास्थलबाट ६ जनाको शव निकालिसकेका छन् । बस नदीमा पूरै डुबेको अवस्थामा भएकोले मृतकको संख्या बढ्न सक्ने प्रत्यक्षदर्शीले आंकलन गरेका छन् ।

घटनास्थलबाट घाइतेको उद्धार गरी नजिकको स्वास्थ्य संस्थाहरुमा उपचारको लागि पठाउने कार्य जारी रहेको प्रहरीले जनाएको छ । घटनाको विस्तृत विवरण आउन बाँकी छ ।