सुनको मूल्य घट्यो

काठमाडौं - नेपाली बजारमा सुनको मूल्य घटेको छ। सोमबार तोलामा २ सयले घटेर ७१ हजार रुपैयाँमा कारोबार भएको सुन मंगलबार ७० हजार ८ सय रुपैयाँमा कारोबार भइरहेको नेपाल सुन चाँदी महासंघले जनाएको छ।

आइतबार सुन तोलाको ७१ हजार २ सय रुपैयाँमा कारोबार भएको थियो। यस्तै आज तेजावी सुन तोलाको ७० हजार ५ सय रुपैयाँमा कारोबार भइरहेको छ।

चाँदीको मूल्यमा सामान्य गिरावट आएको छ। आज चाँदी तोलाको ८६५ रुपैयाँमा कारोबार भइरहेको महासंघले जनाएको छ। सोमबार चाँदी तोलाको ८७० रुपैयाँ कायम गरिएको थियो।