बजेट भाषण : गाँजाको व्यवसायिक खेती गर्न सरकारले अनुमति दिने
खबर एक्सप्रेस
२०८१-०२-१५ ०४:०२ मा प्रकाशित
Total Shares: 97
काठमाडौं-अर्थमन्त्री वर्षमान पुनले औषधि प्रयोजनका लागि गाँजाको व्यावसायिक उत्पादनका लागि कानुनी व्यवस्था मिलाइने बताएका छन्।
आर्थिक वर्ष ०८१ ०८२ को बजेट प्रस्तुत गर्दै अर्थमन्त्री वर्षमान पुनले यस्तो बताएका हुन् ।
अर्थमन्त्री पुनले औषधि प्रयोजनका लागि कानुनी व्यवस्था मिलाएर गाँजाको व्यावसायिक उत्पादन गरिने बताए।
सरकारले गाँजा खेतीको सम्भाव्यता अध्ययनका लागि २०८० कात्तिकमा गृह मन्त्रालयका तत्कालीन सहसचिवको संयोजकत्वमा कार्यदलसमेत गठन गरेको थियो ।
गत वर्ष पनि अर्थमन्त्री प्रकाशशरण महतले आर्थिक वर्ष २०८०–८१ को बजेट प्रस्तुत गर्दा गाँजा खेतीको सम्भावनाका विषयमा अध्ययन गर्ने घोषणा गरेका थिए।
फेसबुक पेज Like गर्नुहोस