काठमाडौं - रजनीकान्तले फिल्म उद्योगमा आफ्नो पाइला राखेको ४४ वर्ष पुगेको छ । सन् १९७५ मा ‘अपूर्व रागंगल’ फिल्ममार्फत उनी ठूलो पर्दामा देखिएका थिए । त्यतिवेला रजनीकान्तको उमेर २५ वर्षको मात्रै थियो । 

समर्थकहरूले रजनीकान्तलाई सामाजिक सञ्जालमार्फत ‘३४४ इयर्स अफ रजनीज्म’ लेखेरउनलाई बधाई दिइरहेका छन् । रजनीकान्त भारतीय सिनेमाका मेगा स्टार मानिन्छन् ।

दक्षिण भारतमा लोकप्रियताको शिखरमा पुगेपछि मात्रै उनले बलिउडमा कदम चालेका थिए, सन् १९९२ मा प्रदर्शनमा आएको ‘अन्धा कानुन’मार्फत ।

रजनीकान्त फिल्म उद्योगमा आउनुअघि कन्डक्टरको काम गर्थे । गरिब तथा असहायलाई सहयोग गर्न सधैँ अघि सर्ने रजनी वास्तविक जीवनमा निकै सामान्य छन् । उनी धोती–कुर्तामा हिँड्न रुचाउँछन् ।