हामीलाई अर्को आन्दोलन चाहिएको छ : प्रचण्ड

काठमाडौं - नेपाल कम्युनिष्ट पार्टीका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ ले अहिले फेरि एउटा अर्को आन्दोलन चाहिएको बताएका छन्। दिवंगत नेतृ सहाना प्रधानको स्मृतिमा सोमबार राजधानीमा आयोजना गरिएको एक कार्यक्रममा बोल्दै प्रचण्डले त्यस्तो आन्दोलन शान्तिपूर्ण र प्रतिष्पर्धात्मक हुने बताए।

‘हामी हिजो जे आदर्श भन्थ्यौं, आज त्यही आदर्शमा छौं तरु हामी सबैले गर्नुपर्ने मुख्य प्रश्न यही हो,’ प्रचण्डले भने, ‘हामीलाई अर्को आन्दोलन, अभियान र मिसन चाहिएको छ। सम्पूर्ण ताकत लगाउने फौज चाहिएको छ। नत्र हाम्रो पार्टीको हालत पूर्वी युरोपका कम्युनिष्ट पार्टीको जस्तै हुन्छ।’ उनले अहिले विकासका कुरामात्र धेरै भए पनि व्यवहारमा त्यस्तो नदेखिएको बताए।

‘मीठा मीठा कुरा भन्न सजिलो छ। हिजो राजा र महाराजाहरूले पनि विकासका मूल फुटाउने कुरा त गरेकै हुन्। तर भयो अर्कै,’ प्रचण्डले भने,‘ भन्ने ठूलो कुरा होइन। के गर्ने भन्ने ठूलो कुरा हो। भन्न त जे पनि सकिन्छ।’

‘नाम त कम्युनिस्ट पार्टी नै छ । तर के हामी साच्चै कम्युनिस्ट जस्तै छौ त अहिले रु भन्न त हामीले समाजवादको यात्रा सुरु गर्ने भनेका छौँ । के हामी समाजवादको यात्राको निम्ति लडेका योद्धा जस्तै छौँ त रु या विस्तारै काँग्रेस वा हिजोका निरंकुशतावादी जस्तै पद वा प्रतिष्ठामा रमाउने भएका छौँ रु’ आम नेकपाका नेता कार्यकर्ताको आचरणबारे प्रचण्डको प्रश्न थियो ।

उनले नयाँ आदर्श स्थापना गर्नका लागि पार्टी एकता गरिएको औंल्याउँदै तर अहिले त्यो अर्कै तरिकाले अघि बढ्न लागेको उल्लेख गरे।

‘पदक लागि गुटरउपगुट बनाएर लडौं भनेर होइन नयाँ र अभियानतिर जाऔं भन्नका लागि एकता गरेको हो। तर अहिले आदर्शच्यूत र स्खलित हुने अवस्था आयो,’ प्रचण्डले भने,‘ भिन्न तरिकाले जान लाग्यो भने त्यसलाई सुधार्नुपर्छ।’

नयाँ समाजवादी व्यवस्था र संस्कृति स्थापना गरी कम्युनिष्ट पार्टीलाई जनताको सेवकका रूपमा स्थापित गर्न नयाँ मिसन र उद्देश्यका साथ आन्दोलन गर्नुपर्नेमा प्रचण्डले जोड दिए।