काठमाडौं - एस. एन. इनर्जी लिमिटेडले गण्डकी प्रदेश अन्तर्गत कास्की जिल्लाको माछापुछ्र्रे गाउँपालिकामा परियोजनास्थल रहने गरी सुपर सेती जलविद्युत आयोजना निर्माण कार्य प्रारम्भ गरेको छ ।  २४ मेगावाटको यस जलविद्युत आयोजना २०८१ फाल्गुन १८ बाट सुरु भएको हो । 

उर्जालाई खेर जान नदिन कम्पनीले परियोजनालाई निर्माण अवधिभित्र ३० मेगावाटमा स्तरोन्नति गर्ने प्रकृया प्रारम्भ गरि सकेको छ । परियोजनाको निर्माण अवधि ३ बर्षको हुने र ३ बर्ष पश्चात २०८४ कार्तिकबाट उत्पादन शुरु गर्ने लक्ष्य रहेको बताएको छ । 

देशमा रहेको उर्जा संकटलाई कम गर्न उर्जा विकास गरी देशलाई उर्जामा आत्मनिर्भर बनाउँदै निर्यात समेत गरी विद्यमान ब्यापार घाटा कम गर्दै विदेशी मुद्रा आर्जन गर्न टेवा पु¥याउने उद्देश्यले देशमा रहेको अपार जलश्रोतलाई सदुपयोग गरी उज्यालो नेपाल बनाउन विद्युत उत्पादन गर्न लागिएको कम्पनीले बताएको छ ।

हाल परियोजनाको निर्माण कार्य द्रुततर गतिमा अघि बढिरहेको छ । यस परियोजनाको निर्माण लागत कुल रु. ५०४ करोड रहेको छ भने प्रति मेगावाट लागत रु.२१ करोड रहेको छ । तर स्तरोन्नति पश्चात प्रति मेगावाट लागत करिब रु.२ करोडले घटेर प्रति मेगावाट रु.१९ करोड हुने कम्पनीको अनुमान रहेको छ ।

 निर्माणको लागि देशका अग्रणी वाणिज्य बैंकहरुबाट सहवित्तीयकरण सुविधा प्राप्त हुने भएको छ । सानिमा बैंक लिमिटेडको अगुवाईमा सिद्धार्थ बैंक लिमिटेड समेतको सहभागीतामा सहवित्तीयकरण कर्जा उपलब्ध हुने भएको छ । जस अनुसार सानिमा बैंकबाट रु.२५० करोड, सिद्धार्थ बैंकबाट रु.१२८ करोड कर्जा प्रवाह गर्न आज कम्पनीका पदाधिकारी र बैंकहरु विच वित्तिय व्यवस्थापन सम्झौता सम्पन्न हुँदैछ । परियोजना निर्माण र संचालनको लागि आवश्यक पर्ने पूँजीको ब्यवस्थापन २५% संस्थापक लगानीकर्ताहरुबाट र ७५% बैंक कर्जाबाट गरिने कम्पनीले बताएको छ ।

निश्चित समयावधी पश्चात यस परियोजनाका स्थानीय बासिन्दा तथा शेयरको प्रारम्भिक निष्काशन पश्चात आम सर्वसाधारण नागरिकहरुले शेयरधनीको रुपमा अपनत्व ग्रहण गर्न पाउनेछन्।

आयोजनाको संस्थापक लगानीकर्ताहरुमा देशको प्रतिष्ठित निर्जीवन बीमा कम्पनी नेको इन्सुरेन्स लिमिटेडले हाल कायम पूँजीको २०% लगानी गरी परियोजनाको प्रवद्र्धन गरेको छ भने अन्य लगानीकर्ताहरुमा उर्जा विकासमा लामो अनुभव हासिल गरेका सफल उर्जा उद्यमीहरु रहेका छन् । जसमा अन्य जलविद्युत परियोजनाहरुको सफल संचालन गरी सकेको अनुभव छ । 

यस कम्पनीको संचालक समितिको अध्यक्षमा नेको इन्सुरेन्स लिमिटेडका तर्फबाट प्रमुख कार्यकारी अधिकृत अशोक कुमार खड्काले प्रतिनिधित्व गरेका छन् । नेको ईन्सुरेन्सको लगानी तथा उर्जा क्षेत्रको अनुभवी ब्यक्तित्वले नेतृत्वदायी भुमिका रहेको छ ।

उत्पादन प्रारम्भ भएपछि त्यसको राष्ट्रिय वितरण प्रणालीमा जोड्ने योजना सुनिश्चित भै सकेको र नेपाल विद्युत प्राधिकरणसँग उर्जा खरीद सम्झौता समेत सम्पन्न भै सकेको छ

कम्पनीको प्रेस विज्ञप्तिमा जनाइएको छ । परियोजना निर्माण सम्पन्न भै उत्पादन प्रारम्भ भए पश्चात यस परियोजनाबाट यसका लगानीकर्ताहरु मात्र लाभान्वित हुने नभई आम स्थानीय वासिन्दाले पूर्वाधार विकासको रुपमा, राज्यले विभिन्न शिर्षकहरुबाट प्राप्त गर्ने राजश्वको रुपमा, सर्वसाधारणले रोजगारीको रुपमा लाभान्वित हुनुको साथै देशको उर्जामा योगदान भै कुल राष्ट्रिय उत्पादन बृद्धिमा महत्वपूर्ण योगदान हुनेछ । 

प्रेस विज्ञप्तिको पूर्णपाठ