काठमाडौं - मेडिकल काउन्सिलको अध्यक्षमा डा. भगवान कोइराला नियुक्त भएका छन् । केही बेरअघि सम्पन्न मन्त्रिपरिषद् बैठकले कोइरालालाई काउन्सिलको अध्यक्ष नियुक्त गर्ने निर्णय गरेको शिक्षा मन्त्री गिरिराजमणि पोख्रेलले जानकारी दिए ।

करिब डेढ घण्टा चलेको बैठकमा प्रधानमन्त्री केपी शर्मा ओलीले आफ्नो स्वास्थ्य अवस्था बारे पनि जानकारी गराएका थिए । त्यसैगरी बंगलादेशका राष्ट्रपति अब्दुल हमिदले नेपाल आउने बारेमा मन्त्रीपरिषदलाई जानकारी गराएका थिए ।