सुनको भाउमा वृद्धि

काठमाडौं - आज पनि सुनको भाउमा वृद्धि आएको छ । आज छापावाल सुन तोलाको ७० हजार ६ सय रुपैयाँमा कारोबार भइरहेको छ । बुधबारको मूल्यभन्दा आज तोलाको ४ सय रुपैयाँले वृद्धि भएको हो । मंगलबार पनि ४ सय रुपैयाँले भाउ बढेको थियो ।

नेपाल सुनचाँदी व्यवसायी महासंघले जनाए अनुसार आज तेजावी सुन तोलाको ७० हजार ३ सय रुपैयाँमा कारोबार भइरहेको छ ।  त्यस्तै, आज चाँदी तोलाको ८ सय ५० रुपैयाँमा कारोबार भइरहेको छ । आज चाँदीको भाउमा ५ रुपैयाँको वृद्धि भएको हो ।