वीरगन्जमा थप एक जनामा कोरोना संक्रमण, संक्रमितको संख्या ६० पुग्यो

काठमाडौं - नेपालमा थप एक जनामा कोरोना भाइरस संक्रमण भेटिएको छ ।

वीरगञ्ज महानगरपालिका-३ छपकैयाका ३६ वर्षीय पुरुषमा कोरोना संक्रमण फेला परेको नारायणी उपक्षेत्रीय अस्पताल स्रोतले जनाएको छ । उनलाई अहिले अस्पतालको आइसोलेसनमा राखिएको छ ।

योसँगै नेपालमा कोरोना भाइरस संक्रमितको संख्या ६० पुगेको छ । त्यसमध्ये १६ जना निको भएका छन्।