काठमाडौं - कैलालीको लम्की चुहा नगरपालिका–१ मा एक ६५ वर्षीया महिलामा कोरोनाभाइरसको संक्रमण पुष्टि भएको छ ।

लम्की वहुमुखी क्याम्पसको करेन्टाइनमा बस्दै आएकी उनमा शुरुमा –यापिड टेस्ट गर्दा  कोरोना नेगेटिभ देखिएको थियो ।तर, पीसीआर मेसिनबाट थप परीक्षण गर्दा उनमा कोरोना पोजेटिभ देखिएको  हो ।

स्वास्थ्य मन्त्रालय स्रोतले पनि पीसीआर प्रविधिबाट उनमा कोरोनाभाइरस संक्रमण पुष्टि भएको जनाएको छ।उनलाई अहिले  सेती प्रादेशिक अस्पतालको आइसोलेसनमा राख्न पठाइएको छ ।