सिन्धुपाल्चोक दुर्घटना अपडेट : मृत्यु हुनेको संख्या १४ पुग्यो

काठमाडौं - सिन्धुपाल्चोक दुर्घटनामा मृत्यु हुनेको संख्या १४ पुगेको छ भने अन्य २० जना घाइते भएका छन् । सिन्धुपाल्चोकको सुनकोसी गाउँपालिका–७ , स्थित ६ किलो भन्ने स्थानमा बा ४ ख ४४६८ नम्बरको बस दुर्घटना हुँदा १४ जनाको घटनास्थलमै मृत्यु भएको हो ।

घटनामा जुन माया घले लगायत १४ जनाको मृत्यु भएको हो । मृतक मध्ये १ जनाको मात्र सनाखत भएको छ ।

नेपाल प्रहरीका प्रहरी निरीक्षक गणेश खनालका अनुसार, कालिन्चोक मन्दिर दर्शनका लागि रिजर्भ गरेर लगिएको उक्त बस भक्तपुर फर्किंदै गर्दा आइतबार बिहान ८ः१५ बजे दुर्घटना भएको हो । सडकबाट अन्दाजी ५०० मिटर तल खसेको बसमा कति यात्रु सवार थिए भन्ने खुलिसकेको छैन ।

प्रहरी र स्थानीय अहिले घाइते यात्रुको उद्धारमा जुटेका छन् ।