नेपालमा थप २ हजार २३९ जनामा कोरोना पुष्टि, १ हजार ३१६ संक्रमणमुक्त

काठमाडौं - पछिल्लो २४ घण्टामा नेपालमा २२३९ जनामा कोरोनाभाइरसको संक्रमण पुष्टि भएको छ । पीसीआर विधिबाट १४७९ र एन्टिजेन विधिबाट ७६० जनामा संक्रमण पुष्टि भएको हो । 

शुक्रबारको प्रेस ब्रिफिङमा स्वास्थ्य मन्त्रालयले सो जानकारी दिएको हो । यससँगै नेपालमा कुल संक्रमितको संख्या पीसीआरबाट ६ लाख ५२ हजार ८५९ र एन्टिजेनबाट ४२ हजार २२९ जना पुगेको छ । 

यस्तै, आज थप १३१६ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ६ लाख १६ हजार ९३९ जना पुगेको छ । निको हुनेको दर ९४.५ प्रतिशत छ । 

आज संक्रमणबाट थप २० जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ९ हजार ३४० पुगेको छ ।