नेपाललाई बंगलादेशले दियो १५५ रनको लक्ष्य

काठमाडौं - १३ औं दक्षिण एसियाली खेलकुद (साग)टि ट्वान्टी पुरुष प्रतियोगितामा नेपाललाई बंगलादेश यू-२३ टोलीले जितको लागि १५६ रनको लक्ष्य प्रस्तुत गरेको छ ।

 टियु क्रिकेट मैदानमा टस हारेर ब्याटिङ थालेको बंगलादेशले २० ओभरको समाप्तीमा ६ विकेट गुमाउँदै १५५ रन बनाएको हो ।

बंगलादेशका लागि कप्तान नाजमुल होसेन सान्तोले र आफिफ होसेनले अर्धशतकिय इंनिङ्स खेले । उनीहरुले ९४ रनको साझेदारी खेल्दै बंगलादेशलाई उकासेका थिए । सान्तोले अविजित ७५ रनको योगदान दिए भने होसेनले ५२ रन बनाए ।  अन्यले राम्रो प्रदर्शन गर्न सकेनन् । 

बलिङतर्फ नेपालका लागि पारस खड्काले ३ विकेट हात पारे । यस्तै दिपेन्द्र सिंह ऐरीले २ तथा अविनास बोहराले १ विकेट लिए । फाइनलको यात्रा तय गर्न नेपाललाई आजको खेल जित्नैपर्ने दबाब छ ।