.gif)
काठमाडौं - गुण्डा नाइके मिलन गुरुङ ‘चक्रे मिलन’ ले सम्पत्ति शुद्धीकरण मुद्दामा सर्वोच्च अदालतबाट सफाइ पाएका छन् ।
बिहीबार न्यायाधीशद्वय अब्दुल अजिज मुसलमान र मेघराज पोखरेलको संयुक्त इजलासले विशेष अदालतको सफाइको फैसलालाई ८ वर्षपछि सदर गरेको छ ।
विशेष अदालतको फैसला बदरको माग गर्दै सरकारले २०७५ जेठ ३० गते सर्वोच्चमा पुनरावेदन गरेको थियो ।
सम्पत्ति शुद्धीकरण अनुसन्धान विभागले सीआईबीको अनुसन्धानको आधारमा २०७० जेठमा चक्रे मिलनसहित पाँच जनाविरुद्ध विशेष अदालतमा मुद्दा दर्ता गरेको थियो । अवैध गतिविधिबाट सम्पत्ति आर्जन, धम्की दिएर रकम असुली तथा उक्त सम्पत्तिलाई वैधानिक देखाउन गुरुङलगायतले विभिन्न क्षेत्रमा लगानी गरेको अभियोग थियो ।
