अमेरिका र अफगानिस्तानको तालिबान सैद्धान्तिक सहमति

एजेन्सी - अमेरिका र अफगानिस्तानमा सशस्त्र संघर्ष गरिरहेको तालिबान विद्रोहीबीच सहमति भएको छ ।तालिबानसँगको वार्तामा सहभागी एकजना अमेरिकी उच्च अधिकारीलाई उद्धृत गर्दै अन्तर्राष्ट्रिय सन्चारमाध्यमहरुले दुई पक्षबीच सैद्धान्तिक सहमति बनेको दाबी गरेका छन् ।

सहमतिअनुसार अमेरिकाले आउँदो २० हप्ताभित्र अफगानिस्तानबाट आफ्ना ५४ सय सैनिक फिर्ता लैजानुपर्नेछ । अफगानिस्तनमा हाल १४ हजार अमेरिकी सेना तैनाथ छन् ।

अफगानमूलका अमेरिकी कूटनीतिज्ञ जल्मय खलिलजादले टेलिभिजन अन्तर्वार्ताकाक्रममा सहमतिबारे विस्तृतमा बताएका हुन् ।तर, सहमतिमा राष्ट्रपति डोनाल्ड ट्रम्पबाट अन्तिम स्वीकृति मिल्न बाँकी छ ।

तालिबानबाटै विस्फोट

खलिलजादले सहमतिबारे बताइरहेका बेला अफगानिस्तानमा भने ठूलो विस्फोट भएको छ ।काबुलमा भएको विस्फोटमा परी कम्तीमा पाँचजना सर्वसाधारणको ज्यान गएको छ । अरु धेरै मानिस घाइते भएका छन् ।आक्रमणको जिम्मा तालिबानले लिएको छ ।