काठमाडौं - नेकपा एमालेको स्थायी कमिटी बैठक स्थगित भएको छ ।

पार्टी अध्यक्ष एवं प्रधानमन्त्री केपी शर्मा ओलीले देशबासीका नाममा दिउँसो २ बजे सम्बोधन गर्ने कार्यक्रम तय भएकाले बैठक स्थगित गरिएको एमाले पार्टी कार्यालयका सचिव शेरबहादुर तामाङले जानकारी दिए। यसअघि दिउँसो १ बजे बालुवाटारमा स्थायी कमिटी बैठक बस्ने तय थियो । 

अर्को बैठकको मिति तय भएको छैन । आजको बैठकमा एमाले भित्रको आन्तरिक विवाद मिलाउनका लागि गठित कार्यदलमा भएको सहमतिको १० बुँदालाई अनुमोदन गर्ने तयारी  थियाे ।