काठमाडौैं - कास्‍की क्षेत्र नं.२ मा प्रतिनिधि सभा सदस्यको लागि भएको उपनिर्वाचनमा नेकपाकी उम्मेदवार विद्या भट्टराई भारी मतान्तरले विजयी भएकी छन् । 

नेकपाकी भट्टराई साढे ८ हजार मतान्तरले विजयी भएकी हुन् । भट्टराईले २४ हजार ३ सय ९५ मत पाउँदा निकटतम प्रतिद्वन्द्वी नेपाली कांग्रेसका खेमराज पौडेलले १५ हजार ९८६ मत पाएका छन् ।

भट्टराईको जितसँगै नेपाली कांग्रेसका उम्मेदवार खेमराज पौडेलले बधाई दिएका छन् । पौडेलले मतगणनास्थलमा विद्यालाई खादा ओ‌ढाएर जितको शुभकामना दिएका हुन् । अन्तिम मतपरिणाम भने निर्वाचन आयोगले घोषणा गर्न बाँकी छ ।