प्रचण्डको अभिव्यक्तिमा लिङ्देनको असहमति
काठमाडौं - राप्रपाका सांसद राजेन्द्र लिङ्देनले सत्तारुढ दल नेकपाका अध्यक्ष पुष्पकमल दाहालले ‘राजतन्त्रले गुमेको भूमि’ भनेको विषयमा असहमति राखेका छन् ।
शनिबार प्रतिनिधिसभा बैठकमा प्रचण्डले राजतन्त्रले गुमाएको भूमि गणतन्त्रले फिर्ता लिने ऐतिहासिक गौरव सदनलाई प्राप्त भएको बताएका थिए ।
तत्कालीन राजा महेन्द्र शाह रहेका बेलामा नेपाली भूमि कालापानीमा आएको भारतीय सेना हालसम्म रहिरहेकोतर्फ प्रचण्डको भनाइ लक्षित थियो ।
राप्रपाका लिङ्देनले प्रचण्डको अभिव्यक्तिमा असहमति जनाउँदै भने, “जसले यो देश निर्माण गर्यो । जुन संस्थाले हामीलाई नेपाली नाम र पहिचान दियो । त्यो संस्थाले यो भूगोल बेच्यो, गुमायो र हामीले फिर्ता गर्यौं भनेर धक्कु लगाउने र कसैलाई आलोचना गर्ने दिन होइन । त्यसमा म असहमति राख्न चाहन्छु ।”
फेसबुक पेज Like गर्नुहोस