राष्ट्रियसभाको बैठक आज, यस्तो छ सम्भावित कार्यसूची

काठमाडौं - राष्ट्रियसभाको बैठक आज बस्दै छ । आठौँ अधिवेशनको दोस्रो बैठक आइतबार दिउँसो १ बजे बस्न लागेको हो । 

आजको बैठकमा प्रधानमन्त्री केपी शर्मा ओलीले ‘राष्ट्रिय समावेशी आयोगको दोस्रो वार्षिक प्रतिवेदन, २०७६/०७७’ सदनमा पेश गर्ने सम्भावित कार्यसूची रहेको छ ।

यस्तै, प्रत्यायोजित व्यवस्थापन तथा सरकारी आश्वासन समितिका सभापति रामनारायण विडारीले समितिको दोस्रो वार्षिक प्रतिवेदन, २०७७/०७८ सभासमक्ष पेस गर्ने सम्भावित कार्यसूची रहेको संसद सचिवालयले जनाएको छ । 

यसअघि असार १७ गते आठौँ अधिवेशनको पहिलो बैठक बसेको थियो ।