मौसम : पश्चिमी वायुको आंशिक प्रभाव,तराई र उपत्यकामा हुस्सु

काठमाडौं - हाल देशमा पश्चिमी वायुको आंशिक प्रभाव रहेको छ । अहिले नेपालको तराईका अधिकांश स्थान र उपत्यकाका केही स्थानहरूमा हुस्सु तथा कुहिरो लागेको मौसम पूर्वानुमान महाशाखाले जनाएको छ ।

आज दिउँसो कोशी, बागमती, गण्डकी र सुदूरपश्चिम प्रदेशको हिमाली तथा पहाडी क्षेत्रमा आंशिक बदली रहने सम्भावना रहेको र तराई क्षेत्रमा मुख्यतया मौसम सफा रहने सम्भावना रहेको महाशाखाले जनाएको छ ।

यस्तै आज राति पनि कोशी, बागमती, गण्डकी र सुदूरपश्चिम प्रदेशको हिमाली तथा पहाडी क्षेत्रमा आंशिक बदली रहने र तराई क्षेत्रमा मुख्यतया मौसम सफा रहने सम्भावना रहेको महाशाखाले जनाएको छ ।