काठमाडौं - काठमाडौंको कान्तिपथमा गुडिरहेको टेम्पोमा आगलागी भएको छ । बुधबार मध्याह्नतिर रत्नपार्कबाट जाँदै लैनचौरतिर जाँदै गरेको बा १ ह ४७९८ नम्बरको टेम्पोमा आगलागी हो । 

उपराष्ट्रपति नन्दकिशोर पुनको कार्यालय अगाडि भएको आगलागीबाट टेम्पोमा क्षति पुगेको छ । आगलागी भएपछि ट्यांकरको पानीले आगो निभाइएको थियो । टेम्पोमा आगलागी सुरु भएपछि सवार यात्रुहरु बाहिर निस्केर ज्यान जोगाएका थिए । सो टेम्पोमा लागेको आगो निभाउने क्रममा सो क्षेत्रको ट्राफिक व्यवस्था केही समयअस्तव्यस्त बनेको थियो ।

आगलागीको कारणबारे भने केही पनि बताइएको छैन ।