काठमाडौं - साल्ट ट्रेडिङ्ग कर्पोरेशन लिमिटेडका अध्यक्ष लक्ष्मीदास मानन्धरले गुणस्तरीय सामान सुपथ मूल्यमा बिक्री वितरण गर्ने  साल्ट  ट्रेडिङ्गको प्रमुख लक्ष्य भएको बताए । 

कुशल प्रशासक एवम् व्यवस्थापक हेमबहादुर मल्ल सम्मान समर्पण कार्यक्रममा पूर्व सांसद समेत रहेका अध्यक्ष मानन्धरले यस्तो बताएका हुन् ।

संस्थागत सामाजिक उत्तरदायित्व निर्वाहमा सक्रिय रहेको साल्ट ट्रेडिङ्ग कर्पोरेशनले नेपाल जन - प्रशासन संघको आयोजना र साल्ट ट्रेडिङ्ग कर्पोरेशनको सौजन्यमा प्रत्येक वर्ष कुशल जनसेवाकलाई नगद २ लाख राशी सहित हेमबहादुर मल्ल सम्मान पुरस्कार दिँदै आएको छ भने यस वर्ष दामोदर प्रसाद गौतम र डा. देवेन्द्र राज पाण्डे सम्मानित भएका छन् । 

कार्यक्रममा  साल्ट ट्रेडिङ्गका प्रमुख कार्यकारी अधिकृत उर्मिला श्रेष्ठले दैनिक उपभोग्य वस्तु नुन, चिनी, खाद्यपन दुर्गम क्षेत्रसम्म सेवा विस्तारमा कर्पोरेशन सफल भएको बताइन् ।