दैलेखमा माइक्रोबस दुर्घटनामा तीनको मृत्यु

दैलेख - गुराँस गाउँपालिका वडा नम्बर ४ मुंग्रामा माइक्रोबस दुर्घटना हुँदा तीन जनाको मृत्यु भएको छ ।

सुर्खेतबाट दैलेख जाँदै गरेको भे १ ज १०२९ नम्बरको माइक्रोबस दुर्घटनामा परेको हो । मृत्यु हुनेमा एक जना महिला र दुई पुरुष रहेका छन् ।

दुर्घटनामा परी मृत्यु हुनेहरुको सनाखत हुन सकेको छैन । दुर्घटनामा अन्य सात जना गम्भीर घाइते भएका छन् ।

माइक्रोबसमा कति जना सवार थिए भन्ने खुल्न सकेको छैन । घाइतेहरुको स्थानीय स्वास्थ्य चौकीमा उपचार भईरहेको छ ।माइक्रोबस सडकबाट करीव ४०–५० मिटर तल जंगलमा खसेको प्रहरीले जनाएको छ । प्रहरी र स्थानीयले अहिले घटनास्थलमा उद्धारको काम गरिरहेका छन् ।