अर्घाखाँचीमा जिप दुर्घटना, ३ जनाको मृत्यु, ७ जना घाइते

अर्घाखाँची - अर्घाखाँची जिल्लाको सुपाखोलामा भएको जिप दुर्घटनामा ३ जनाले ज्यान गुमाएका छन् । नेपालीपत्रलाई प्राप्त जानकारी अनुसार ७ जना गम्भीर घाइते भएका छन् । मृत्‍यु हुनेहरुको पहिचान खुल्न सकेको छैन । 

बिहीबार बिहान कृष्णनगरबाट सन्धिखर्क आउँदै गरेको जीप लु १ ज १३२९ नम्बरको जीप सुपादेउरालीको मन्दिर र खाँचीखोला पुलको बिचमा पल्टिएर खोलामा पुगेको थियो ।

गम्भीर घाईतेहरुलाई उपचारको लागि बुटवल लगिदैछ । हाल घटनास्थलमा प्रहरी पुगेरे उद्दार कार्य जारी राखेको छ । तर,  गाडी तल पुगेको कारणले उद्दारकार्यमा कठीनाई भएको प्रहरीले बताएको छ ।