बाढीले घर बगाउँदा तीन बालिकाको मृत्यु, एक बेपत्ता
खबर एक्सप्रेस
२०८१-०४-०१ ०८:०२ मा प्रकाशित
Total Shares: 65
काठमाडौं,रुकुम पश्चिम-रुकुम पश्चिममा तातोपानी खोलाले घर बगाउँदा तीन जनाको मृत्यु भएको छ ।
गएराति परेको अविरल बर्षापछि जिल्लाको आठबिसकोट नगरपालिका वडा नम्बर १२ बगरनजिक तातोपानी खोलाले घर बगाउँदा ३ जना स्थानीय बालबालिकाको मृत्यु भएको हो ।
त्यस्तै नजिककैको झिन्चौर खोलाले बगाएर १ जना बेपत्ता भएका छन् । मृत्यु हुनेहरूमा स्थानीय १० वर्षीया हितमाया पुन, आठ वर्षीया धनसा पुन र चार वर्षीया मनिषा सार्की रहेको प्रहरीले जनाएको छ ।
साथै यही बाढीमा परेर ६ जना घाइते भएको बताइएको छ । घाइतेहरूको उपचारका लागि नगर अस्पताल लगिएको छ ।
फेसबुक पेज Like गर्नुहोस