सरकारी टोली र डा. केसीका प्रतिनिधिबीचको वार्ता बिना निष्कर्ष स्थगित
काठमाडौं - सरकारी टोली र डा. गोविन्द केसीका प्रतिनिधिबीच भएको वार्ता बिना निष्कर्ष स्थगित भएको छ । शिक्षा, विज्ञान तथा प्रविधि मन्त्रालयमा बिहीबार बिहान बसेको वार्ता केही समयका लागि स्थगित भएको डा. केसी पक्षबाट वार्ता समितिमा बसेका एक सदस्यले बताए ।
वार्ता जारी नै रहेको केसी पक्षले बताएको छ। पुन: वार्ता बिहीबार राति वा शुक्रबार बिहान बस्ने केसी पक्षबाट वार्ता टोलीमा सहभागी भएका सदस्यले बताएका छन्।
डा. केसी विगत २४ दिनदेखि अनसनरत् छन्। उनले विभिन्न ६ बुँदे माग राखेर सत्याग्रह थालेका थिए। दुवै पक्षले कुन बुँदामा सहमति हुन नसकेकोबारे बताएका छैनन्। केसीको स्वास्थ्य अवस्था गम्भीर हुँदै जाँदा सरकारले बुधबार टोली गठन गरेको थियो।
फेसबुक पेज Like गर्नुहोस