काठमाडौं - नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी शर्मा ओलीको स्वास्थ्य अवस्थाबारे जानकारी लिएका छन्।

प्रचण्डले महाराजगञ्जको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा गएर ओलीको स्वास्थ्य अवस्थाबारे  जानकारी लिएका हुन्।

डाक्टरहरूले प्रधानमन्त्रीको एपेन्डिसाइटिसको अपरेसन सफल भएको र स्वास्थ्यमा राम्रो सुधार हुने बताएका छन्। पेट दुखेपछि स्वास्थ्य उपचारका लागि मंगलबार बिहान अस्पताल पुगेका प्रधानमन्त्री ओलीको एपेन्डिसाइटिसको  शल्यक्रिया  गरिएको थियो ।