धादिङका कोरोना संक्रमित युवक निको भए, आजै डिस्चार्ज गरिने

काठमाडौं - युएईबाट आएका धादिङका कोरोना भाइरसबाट संक्रमित एक व्यक्ति निको भएका छन् । टेकु अस्पताल स्रोतका अनुसार ती युवक २८ दिनपछि निको भएका हुन् ।

उनी कोरोनाबाट निको हुने छैठौ व्यक्ति हुन्। उनलाई आजै अस्पतालबाट डिस्चार्ज गर्ने तयारी भैरहेको अस्पतालले बताएको छ । गत चैत १२ गते संक्रमण पुष्टि भएपछि टेकु अस्पताल भर्ना गरिएको थियो।

हाल नेपालमा कोरोनाको उपचारबाट ५ जना निको भएका छन् भने ४२ जनाको विभिन्न अस्पतालमा उपचार भइरहेको छ।