वीरगञ्जको सुशील वनस्पती उद्योगमा भीषण आगलागी

काठमाडौं - वीरगञ्ज महानगरपालिका–२१ लिपनीविर्तामा रहेको सुशील वनस्पती उद्योगमा भीषण आगलागी भएको छ।

आज (शनिबार) बिहान ३ बजेदेखि सुरु भएको आगलागी अझै नियन्त्रणमा नआएको जिल्ला प्रहरी कार्यालय पर्साले जनाएको छ।

आगो निभाउन नेपाली सेना, सशस्त्र प्रहरी, नेपाली प्रहरी र स्थानीयबासी पाँच घण्टा अघिदेखि खटिएका छन्।उद्योगको प्याकेजिङ तथा गोदाममा आगलागी भएको पर्साका प्रहरी प्रमुख एसपी सोमेन्द्रसिंह राठोरले जानकारी दिए।

बिजुलीको तार सर्ट भई आगलागी भएको हुन सक्ने अनुमान प्रहरीले गरेको छ। आगो निभाउन वीरगञ्ज महानगरपालिका, जितपुर–सिमरा उपमहानगरपालिका, कलैया उपमहानगरपालिका र नेपाल आयल निगम अमलेखगञ्जका दमकल प्रयोग भएको छ।

आगलागीबाट भएको क्षतिको बिवरण आइसकेको छैन। आगलागीबाट करिब आठ हजार लिटर ध्यू नष्ट भएको अनुमान प्रहरीले गरेको छ।