प्रधानमन्त्री ओलीलाई राप्रपाले विश्वासको मत नदिने

काठमाडौं- राष्ट्रिय प्रजातन्त्र पार्टी(राप्रपा)का अध्यक्ष राजेन्द्र लिङ्देनले प्रधानमन्त्री केपी शर्मा ओलीलाई विश्वासको मत नदिने बताएका छन्।अध्यक्ष लिङ्देनले आफूहरुले अघि सारेको संविधान संशोधनको मुद्दामा सघाउन तयार रहेको बताएका हुन् ।अहिले सत्ता टिकाउनको लागि आफूहरुको मत आवश्यक पनि नभएको अध्यक्ष लिङ्देनको भनाई छ ।

संविधान संशोधनका लागि नयाँ सरकार बनेको भनिए पनि पछिल्ला गतिविधिहरूले आशंका गर्ने धेरै ठाउँ देखाएको बताए।राप्रपाले सरकारका कामकारबाही हेरेर आगामी दिनमा थप निर्णय लिने उनको भनाइ छ।संविधान संशोधनको सिँढी बनाएर वा खोल ओढेर सत्ता सहकार्यका लागि मात्रै मिलेको महसुस हुन थालेको सुनाए।प्रधानमन्त्री ओलीले भोलि सदनमा विश्वासको मत लिँदैछन्।