काठमाडौं - तराई-मधेश केन्द्रित ७ राजनीतिक दलले आज मोर्चा घोषणा गर्दैछन् ।

जनमत पार्टी, जसपा नेपाल, लोसपा नेपाल, नागरिक उन्मुक्ति पार्टी, राष्ट्रिय मुक्ति पार्टी, जनता प्रगतिशील पार्टी र तराई मधेश लोकतान्त्रिक पार्टीका अध्यक्षहरूको उपस्थितिमा मोर्चा घोषणा हुने भएको हो ।

राष्ट्रिय मुक्ति पार्टीका नेता केशव झाले बिहीबार सातै दलका अध्यक्षहरूको उपस्थितिमा मोर्चा घोषणा हुने तयारी रहेको जानकारी दिए ।

यसअघि ती दलका कार्यदलको विभिन्न बैठक बसेर मोर्चाको आचारसंहिता, मोर्चाको नाम आदिबारे छलफल गरेको थियो । यो मोर्चाको मूलतः तीनवटा ध्येय रहेका छन्।

नेकपा एमाले र कांग्रेस नेतृत्वको वर्तमान सत्ता गठबन्धनले संविधान संशोधनको कुरा उठाएको छ। गत असार १७ गते कांग्रेस र एमालेका बीचमा ७ बुँदे सहमति हुँदा संविधान संशोधनको कुरालाई नै जोड दिइएको थियो।