‘जरा हटके जरा बचके’ले हालसम्म कति कमायाे ?

काठमाडौं,एजेन्सी-विक्की कौशल र सारा अली खान अभिनित रोमान्टिक ड्रामा फिल्म जरा हटके जरा बचके आज रिलिजको ११ औं दिनसम्म पनि बक्स अफिसमा राम्रो कमाई गर्न सफल भएको छ ।

यो फिल्मका लागि गएको सप्ताहन्त निकै राम्रो सावित भएको छ । फिल्मको कमाइको आँकडाले अहिले निर्माता र कलाकारलाई खुसी बनाएको छ ।

विक्की र साराको फिल्म ४० करोडमा बनेको थियो । विक्की र सारा बाहेक यस फिल्ममा तेस्रो महँगो स्टार छैनन्, न त फिल्मको लोकेशन खासै महँगो छ ।

यूपीमा छायांकन गरिएको यो फिल्ममा साधारण कपडा छनोट गरिएको छ । यो फिल्ममा रोमान्स र ड्रामाको कुनै कमी छैन । फिल्मको कुल कलेक्सन ५३।२८ करोड पुगेको छ । यसको मतलब फिल्मले आफ्नो लगानी उठाएर पनि नाफा कमाई सकेको छ ।