चार मन्त्रीले लिए शपथ
खबर एक्सप्रेस
२०७७-१२-२७ ०८:११ मा प्रकाशित
Total Shares: 984
काठमाडौं - पुनर्नियुक्ति पाएका ४ जना मन्त्रीले शुक्रबार साँझ पद तथा गोपनीयताको शपथ लिएका छन् ।
ऊर्जा, जलस्रोत तथा सिञ्चाईमन्त्री टोपबहादुर रायमाझी, उद्योग वाणिज्य तथा आपूर्तिमन्त्री लेखराज भट्ट, शहरी विकास मन्त्री प्रभु साह र श्रम, रोजगार तथा सामाजिक सुरक्षामन्त्री गौरीशंकर चौधरीलाई शुक्रबार साँझ राष्ट्रपति विद्यादेवी भण्डारीले शपथ गराएकी हुन् ।
उनीहरूले पहिलेकै मन्त्रालयमा नियुक्त लिएका हुन्। नेकपा एमाले प्रवेश गरेपछि यी चारैजना मन्त्रीलाई माओवादी केन्द्रले पार्टीबाट निश्कासन गरेको थियो ।
फेसबुक पेज Like गर्नुहोस