सर्वोच्चको आदेशपछि एमालेले दियो यस्तो प्रतिक्रिया

 काठमाडौं - नेकपा एमालेका प्रवक्ता प्रदीप ज्ञवालीले सर्वोच्च अदालतको आदेशले राजनीतिलाई थप जटिलतातर्फ धकेलेको टिप्पणी गरेका छन् ।

सर्वोच्चले मंगलबार २० मन्त्रीलाई पदमुक्त गरेपछि उनले सो टिप्पणी गरेका हुन् । 

‘सर्वोच्चको फैसला अप्रत्याशित छ, यसले राजनीति थप जटिलतातर्फ धकेलिने निश्चित छ ।’ एमाले प्रवक्ता ज्ञवालीले जनतापाटीसँगको संक्षिप्त कुराकानीमा भने । उनले अब पार्टीको बैठक बसेर यसबारे छलफल गर्ने बताए । 

मंगलबार अदालतले ओलीले गएको जेठ २१ र २८ गते गरेको मन्त्रिपरिषद् बदर गरिएको छ।