सैनिक पोसाक लगाउन नागरिकलाई निषेध !

काठमाडौं – नेपाली सेनाले प्रयोग गर्ने पोसाकको जथाभावीरुपमा प्रयोग हुन थालेपछि सरकारले नेपाली सेनासँग मिल्दो कपडा बिक्रीमा रोक लगाउन देशभरका स्थानीय प्रशासनलाई निर्देशन दिएको छ । 

आम नागरिकले नेपाली सेनाले प्रयोग गर्ने पोसाक जथाभावीरुपमा प्रयोग गर्न थालेपछि बिक्री–वितरण र प्रयोगमा रोक लगाउन गृह मन्त्रालयले स्थानीय प्रशासनलाई निर्देशन दिएको हो । 

पछिल्लो समय नेकपा विप्लव समूहले समेत सेनाले प्रयोग गर्ने पोशाक लगाएर विस्फोट गराउने, प्रहरीमाथि आक्रमण गर्नेजस्ता गतिविधि गरेपछि सरकारले सैनिक पोसाकको प्रयोगमा निषेध गर्ने नीति लिएको पनि समाचारमा उल्लेख छ । 

 नेपाल समाचारपत्र दैनिकबाट