सुनको भाउ ८ सयले बढ्यो

काठमाडौं - गत साता निरन्तर ओरालो लागेको सुनको भाउ यो साताको सुरुकै दिन आइतबार ८ सयले बढेको छ । नेपाल सुनचाँदी व्यवसायी महासंघले आजका लागि तोलाको ९५ हजार ६ सय कायम गरेको छ । गत शुक्रबार तोलाको ९४ हजार ८ सय थियो ।

यस्तै तेजावी सुनको भाउ पनि बढेर तोलाको ९५ हजार १ सय पुगेको छ । गत शुक्रबार ९४ हजार ३ सय थियो । चाँदीको भाउ पनि एकै दिन तोलामा ४० रुपैयाँले बढेको छ । महासंघले आजका लागि चाँदीको भाउ १२ सय ३५ कायम गरेको छ । गत शुक्रबार तोलाको ११ सय ९५ थियो ।