काठमाडौं,एजेन्सी-चीनले बेलायतबाट आफ्ना ६ अधिकारीलाई फिर्ता बोलाएको छ । यसमा बेलायतमा चीनका सबैभन्दा वरिष्ठ कूटनीतिज्ञको नाम पनि समावेश छ। म्यानचेस्टरस्थित चिनियाँ वाणिज्य दूतावासमा भएको हिंसाको दुई महिनापछि यो कदम चालिएको हो ।

बेलायतले चिनियाँ अधिकारीहरूलाई आफ्नो कूटनीतिक संरक्षण अन्त्य गर्न र अक्टोबरमा भएको घटनाको अनुसन्धान गर्न अनुमति दिन अपील गरेको थियो। चीनको यो निर्णयप्रति निराशा व्यक्त गर्दै बेलायती विदेशमन्त्री जेम्स क्लिभर्लेले अब यी ६ कूटनीतिज्ञले न्याय नपाउने बताएका छन् ।

चीनले फिर्ता बोलाउनेहरूमा कन्सुल-जनरल झाङ जियुआनको नाम समावेश छ, जसलाई प्रजातन्त्र समर्थक प्रदर्शनकारीलाई कुटेको आरोप छ।

कन्सुल-जनरल झाङ झियानले म्यानचेस्टरमा चीनको वाणिज्य दूतावास चलाउँछन् र दूतावास बाहिर प्रजातन्त्र समर्थक प्रदर्शनकारी बब चानलाई आक्रमण गरेको आरोप छ।

यो सम्पूर्ण मामिला के हो ?

अक्टोबर १६ मा म्यानचेस्टरस्थित चिनियाँ वाणिज्य दूतावास बाहिर करिब ४० जना मानिस जम्मा भएका थिए र लोकतन्त्रको समर्थनमा प्रदर्शन गरेका थिए। दूतावास भएकोले त्यहाँ कुनै पनि आन्दोलनकारी प्रवेश गर्न पाएनन् ।

प्रहरीका अनुसार दिउँसो १२ बजेतिर केही व्यक्ति दूतावासको भवनबाट बाहिर आए र प्रदर्शनकारी बब चानलाई दूतावासभित्र घिसारेर कुटपिट गरेका थिए ।

घटनापछि कन्जरभेटिभ सांसदले तस्विरहरूमा झाङ जियुआनलाई चिन्ने र प्रदर्शनकारी बब चानलाई मार्नेहरूमध्ये जियुआन पनि रहेको आरोप लगाए। यद्यपि जियुआनले यस्ता आरोप अस्वीकार गरेका छन्।

अब घटनाको झण्डै दुई महिनापछि चीनले आफ्ना अधिकारीहरूलाई फिर्ता बोलाउने निर्णय गरेको छ। चीनले बेलायतसँगको थप ‘टिट–एण्ड–टिट्स’ कारवाहीबाट बच्न र विवादलाई हल्का बनाउन यो कदम चालेको मानिन्छ ।

यद्यपि लन्डनस्थित चिनियाँ दूतावासका प्रवक्ताले बुधबार भनेका छन्, "बेलायतले चिनियाँ कामदारहरूको सुरक्षा गर्न असफल भएको छ"। यो पनि भनिएको छ कि झाङ जियुआनलाई सामान्य परिक्रमा प्रक्रिया अन्तर्गत वाणिज्य दूतावासमा आफ्नो कार्यकाल समाप्त भएपछि चीन फिर्ता बोलाइएको छ।