जुम्लामा ३ दिनका लागि निषेधाज्ञा जारी

 सिंजा - कोरोना भाइरसको संक्रमण फैलिन नदिन जुम्लामा निषेधाज्ञा जारी गरिएको छ । जिल्ला प्रशासन कार्यालय, जुम्लाले बुधबार बिहान ९ बजेदेखि शुक्रबार राति १२ बजेसम्मका लागि निषेधाज्ञा जारी गरेको हो ।

निषेधाज्ञा अवधिभर कसैलाई घरबाट बाहिर ननिस्कन आग्रह गरिएको छ । अवज्ञा गरे कानुन बमोजिम कारबाही हुने प्रशासनले जनाएको छ ।

भारतबाट आएका नागरिक र सुरक्षाकर्मीमा कोरोना संक्रमण पुष्टि भएपछि त्यसलाई थप फैलिन नदिन निषेधाज्ञा जारी गरिएको साहायक प्रमुख जिल्ला अधिकारी ओमप्रकाश देवकोटाले जानकारी दिए । निषेधाज्ञा अवधिमा अत्यावश्यक सेवाबाहेका सबै पसलहरु बन्द हुने उल्लेख छ ।

बुधबार बिहान ९ बजेदेखि जिल्ला भित्रका औषधि पसल, उपकरण तथा औषधि सामग्री उत्पादन, बिक्री वितरण र ढुवानी सेवा बाहेक अन्य सबै पसल बन्द हुन्ने सूचनामा जनाइएको छ ।