प्रधानमन्त्रीको प्रेस सल्लाहकारमा थापा नियुक्त

काठमाडौं - नेपाल कम्युनिष्ट पार्टी (नेकपा) का केन्द्रिय सदस्य एवं प्रचार विभाग उपप्रमुख सुर्य थापा प्रधानमन्त्रीकाे प्रेस सल्लाहकारमा नियुक्त भएका छन् ।

प्रधानमन्त्री निवास बालुवाटारमा हिजो बसेको मन्त्रिपरिषद् बैठकले थापालाई नियुक्त गर्ने निर्णय गरेको थियो ।प्रधानमन्त्रीको प्रेस सल्लाहकारका रुपमा कार्यरत डा. कुन्दन अर्यालले दिएको राजिनामा स्वीकृत गर्दै थापालाई प्रेस सल्लाहकारको रुपमा नियुक्त गरिएको हो ।

नियुक्त भएसँगै पत्रकार थापा दोहोरिएर प्रधान्मन्त्रीको प्रेस सल्लाहकार हुने पहिलो व्यक्ति पनि बनेका छन् । वि.सं २०६७ मा तत्कालीन प्रधानमन्त्री झलनाथ खनाल प्रधानमन्त्री रहँदा उनी प्रेस सल्लाहकार रहेका थिए ।