सरकारको विरोध गर्न मास्क लगाएर हिँडे : प्रधानमन्त्री ओली

काठमाडौं - प्रधानमन्त्री केपी शर्मा ओलीले सरकारको विरोध गर्नेले मास्क लगाएर हिँडेको टिप्पणी गरेका छन् ।

समाजवादी पार्टी नेपाल छाडेर आएका कल्पना धमला, देवेन्द्र पराजुलीलगायत नेतालाई नेकपामा प्रवेश गराउन आज आयोजित कार्यक्रममा नेकपा अध्यक्षसमेत रहेका ओलीले भने, “अस्ति मैले म प्रधानमन्त्री हुँदा काठमाडौंमा आधा जनसंख्या मास्क लगाएर हिँड्थे । अहिले मास्क लगाउनु पर्दैन भनेको थिएँ । अहिले सरकारको विरोध गर्न मास्क लगाएर हिँड्न थालेका छन् ।”

काठमाडौंमा सडक निर्माण भइरहेको, मुख्य बाटोमा धुलो नउडे पनि भित्री निर्माणाधीन रहेकाले धूलो उडेको हुन सक्ने र त्यो केही दिनमै अन्त्य हुने उनको भनाइ थियो । “काठमाडौंका सबै बाटा कालोपत्रे हुन्छन् । धूलो उड्दैन,” उनले दाबी गरे ।