काठमाडौं, बुटवल - प्रदेश ५ का मुख्यमन्त्री शंकर पोखरेलको गाडीमा ढुंगा प्रहार भएको छ । काठमाडौंबाट बुटवल आउँदै गरेका मुख्यमन्त्री पोखरेलको गाडीमाथि राजमार्ग चौराहमा ढुङ्गा प्रहार भएको हो।

ढुंगा प्रहारबाट मुख्यमन्त्री शंकर पोखरेल चढेको र अगुवा तथा पछुवाको ३ वटा गाडिमा क्षति भएको छ। मुख्यमन्त्रीलाई भने केही नभएको प्रहरीले जनाएको छ ।

प्रहरीले ढुङ्गा प्रहारमा संलग्न पाँच जनालाई पक्राउ गरेको छ। पक्राउ पर्नेमा मुक्तिराम पौडेल, छाया पोखरेल, मुक्ति पौडेल, कमला अधिकारी र बिष्णु पोखरेल रहेका छन् । अहिले घटनास्थलमा व्यापक सुरक्षाकर्मी परिचालन गरिएको छ।