'मलाई झुक्याइयो, लज्जित हुनुपर्‍यो', प्रधानमन्त्री ओलीले भने, 'क्षमाप्रार्थी छु'

काठमाडौं - प्रधानमन्त्री केपी ओलीले विषादी प्रकरणमा आफूलाई झुक्याइएकाले लज्जित हुनुपरेको बताएका छन् ।

राजधानीमा बिहीबार आयोजित ुसंविधानको कार्यान्वयन र प्रशासनिक पुनस्संरचनाु विषयक अन्तर्क्रियमा उनले भारतबाट आएको पत्र गोप्य राख्दा आफू लज्जित हुनुपर्ने अवस्था आएको बताए । उनले यसबारे खोजबिन भइरहेको र पत्र लुगाउने ९गोप्य राख्ने० लाई कारबाही गरिने बताए ।

‘भारतबाट पात्र आएको रहेछ, तर मैले आएको छैन भनेर सार्वजनिक रुपमा बोलेँ,’ ओलीले भने, ‘विभिन्न ठाउँमा कूटनीतिक प्रयास हुनु र मलाई जानकारी नदिनुले म लज्जित हुनुपर्योस । मलाई झुक्याइयो । यसप्रति म क्षमाप्रार्थी छु ।’

उनले भने, ‘दूतावासको पत्र आएको रहेछ । मलाई केही जानकारी भएन, दिइएन ।’ ओलीले थाहा नभएको कुरामा पत्र आएको छ भनेर भन्न नसक्ने भन्दै पत्रबारे थाहा नभएपछि आफूले सत्य कुरा गर्दा पनि ‘झूट’ भएको बताए । 

‘पत्र आएर पनि मलाई झूट बोल्न लगाइयो । भुलचुक र नियतवश के हो रु त्यो म बुझ्दैछु । खोज्दै छु । त्यसपछि के गर्नुपर्ने हो गर्न तयार छु,’ ओलीको भनाइ छ ।

भारतीय दूतावासले पत्र पठाएर नाकामा विषादी परीक्षण गर्ने निर्णयवाट सरकार पछि हट्न लागेको समाचार आएपछि ओलीले त्यसको खण्डन गर्दै ‘कहाँ छ पत्र ? कसले पठायो पत्र रु’ भन्दै प्रतिवाद गरेका थिए । उनले यस्तो बताएको २ दिनपछि दूतावासको पत्र सार्वजनिक भएको थियो । भारतीय दूतावासले परराष्ट्र मन्त्रालय हुँदै उक्त पत्र वाणिज्य मन्त्रालयमा पठाएको थियो ।