प्रधानमन्त्री ओलीलाई लक्षित गर्दै गगनले भने : काम गर्न छाडेर भाषण गर्दै हिँडेका छन्

काठमाडौं- नेपाली कांग्रेसका महामन्त्री गगन थापाले प्रधानमन्त्री र मन्त्रीहरु काम गर्न छाडेर उद्घाटन र भाषण गर्दै हिँडेको बताएका छन् । रुपन्देही क्षेत्रीय सम्मेलनलाई सम्बोधन गर्दै महामन्त्री थापाले सो कुरा बताएका हुन् । उनले एमाले अध्यक्ष केपी ओली नेतृत्वको सरकारको कामप्रति असन्तुष्टि जनाए। उनले प्रधानमन्त्री र मन्त्रीहरु काम गर्न छाडेर उद्घाटन र भाषण गर्दै हिँडेको भन्दै असन्तुष्टि जनाए।

महामन्त्री थापाले भने, ‘हामीले सरकारलाई सहयोग गरिरहेका छौं, तर हामीले असन्तुष्टि व्यक्त गरिरहेका छौं । किनभने बिँड तातेरमात्रै हुँदैन रहेछ, ताप्के ताप्नुपर्छ । ताप्के भनेको सरकारको नेतृत्व गरेको प्रधानमन्त्री हो । म अहिले प्रधानमन्त्रीलाई सुझाव दिने ठाउँमा छु, झकझकाइरहेको छु।’

महामन्त्री थापाले सहकारीको विषय आफूहरुले उठाएको भन्दै ठगहरुलाई पनि ठेगान लगाउनुपर्ने बताए । सहकारी पीडितहरुको बचत फिर्ता गराउनुपर्ने भने पनि अहिलेसम्म दिन नसकेको उनले स्वीकारे। महामन्त्री थापाले कांग्रेस अहिले जिम्मेवारीमा भए पनि केही समस्याहरु देखिएकाले सुधार गरेर अघि बढ्ने बताए ।